IKTeekin IKasTen...

Ikasgaia hasi genuenetik lau hilabete igaro dira eta gogoratzen dut IKTekin lanean aurreneko murgilketa egin nuenean, beldurrak sortu zitzaizkidan agian baliabide honi buruz nuen ezagutza ezak eraginda...zerbait ez dugunean ezagutzen, inzertidunbre delako horrek gugan frustrazioak eta mesfidantzak sortzen ditu, baita gure buruarengan konfiantza falta ere.

Blog-a bera egitea odisea bat iruditzen zitzaidan eta ziur asko zuetako askori ere bai, baina aurre egin eta lortu genuen hala edo nola IKT munduan barneratzea. Blog-a sortu eta blog-a apaintzea ere beste abentura bat zen, erlojua jartzea, etiketak sortzea, tag horiek...IKT-en hizkuntzan ere alfabetatu beharra izan genuen, blog-etan materialak, artikuluak, argazkiak zintzilikatzeko ideiarekin interneten seguruenik bilaketa dexente gehiago egin ditugu azken lau hilabeteetan aurrekoetan baino.

Blog-a abentura bazen zer esanik ez Teknografia sortzeko ordua iritsi zenean! aurre expektatibak bi astetan egitea izan zen, asko tardatuko nuela pentsatzen nuen, denbora kalkulatu behar zen, argazkiak aukeratu behar ziren, batan bat eskaneatu, komentarioak gehitu eta lan ikaragarritzat neukan, ezinezko lantzat neukan...neronek ezin zezakeela horrelakorik sortu, mugak jartzen nizkion nire buruari baina blog-ari aurre egiteak eman zidan esperientziatik ikasiz aurre egin eta aste betean apurka apurka osatzen joan nintzen. Ikaragarria da bukaeran lortu daitekeen emaitza, tresnak berak ematen dizun aukera trasteatzeko eta efektu ezberdinak gehitzeko lanari.

Esan beharra daukat, irakasgaian ikasitako baliabideak beste ikasgaietarako erabili ditudala: ISSU unitate didaktiko bat eskegiteko eta lantaldeak bakoitzak bere etxetik jarraipena egiteko, teknografia sexualitateko ikastaroetarako aplikatzeko ustetan gaude: lehenengo aldiEN teknografia bat egitea gustatuko litzaiguke eta orain tresnan trebatu naizenez errealagoa ikusten dut proiektu txiki hau. MOVIE MAKER ez nuen ezagutzen eta ikastaroetarako filmeen eszenak ebakitzeko aproposa dela ere konturatu naiz. Interneten bilaketak egiten puzzleak sortzeko programa batekin topo egin nuen JIGSAW PLANET, irakasle bezala haur hezkuntzan puzzleak baliabide garrantzitsua dira matematika arloa lantzeko eta IKTak erabiliz puzzle pertsonalak sortu ditzazkegu.

Hasitako bidaiak jarraipena izango duelakoan eta ikasgaian ikasitakoa produktiboa izateko bide, IKTak eszenatoki delarik sexualitateko gaien antzezpenek hemen jarraituko dute.

gorputzaK...

Gaur sexualitateko irakasle bezala gertatu izan zaidan bizipen bat izan eta gero egindako hausnarketa batekin natorkizue.

Denok dakigu zein gogorra den gure gorputzak sortzen dizkigun mamuei aurre egitea, gehien bat aldaketak bizitzen ari garenean. Bat-batean gure gorputzak metarmofosi antzekoa jasatzen dute, agian batzutan eskolako kideen erritmo ezberdinera eta gure gorputzak abiadan aldatuz doaz. Aldaketa hauek berehala aldaketa psikologikoak eragiten dituzte, batzuetan lotsak eragiten dizkigu, beldurrak, ulertu ezin daitezkeen formak, biribiltasunak, desoreka, etab. Irakasle bezala haurrek jasatzen dituzten bizipen hauek jazo behar ditugu eta ume izatetik helduago izaterako tranzisio honetan bidaia bakarrik egin ez dezaten garrantzitsua da.

Gorputzarekin adiskitzea ez da berehala lortzen, prozesu bat, garapen bat da eta bakoitzak bere erritmoan ulertuko ditu gorputzak bizi dituen aldaketak eta gorputzak eskaintzen dizkion onurak, erabilgarritasunak.

Irakasle edo guraso bezala egokia litzateke haurrek epe laburrean ikusiko dituzten aldaketei aurre hartzea eta horretaz hitz egitea. Gorputza lantzea sexualitatearen ikastaroetan ezinbestekoa da, gorputzarekin bizi eta sentitzen dugulako sexualitatea, gorputzak erabilgarritasuna ematen digulako, plazer iturria da eta besteekin harremantzerako orduan gorputzarekin %80a adierazten dugulako. Autoestimuan ikaragarri eragiten du eta gorputza ezagutzeko beldurra ez da izan behar.

Askotan gure gorputzaren atal positiboak ikustea kostatzen zaigu eta atal negatiboetan zentratzen gara, ikasleei nahiz ta beraien gorputzarekin adiskidetasun maila handirik ez izan, nire ustez garrantzitsua da gorputzaren funtzionaltasunaren ikuspegia garatzea beraiengan eta zerbait positiboa esaten lagundu behar diegula...

Puzzle bat

Gaurkoan haurrekin baliagarria izan daitekeen programa bat aurkeztuko dizuet JIGSAW PLANET. Ez dugu logeatu behar, Gure irudiren bat igotzeko aukera daukagu edo bestela programak berak dituen irudiekin sortu dezakegu puzzle bat. Ondoren blogean igo dezakegu "Embed Puzzle" ri emanez eta gero kodea kopiatuz eta blogean HTLM-en erantsiz...errez-erreza eta uste dut umeekin teknologia berriak erabiltzeko beste aitzakia dibertigarri bat dugula!!

Nire puzzlea umeekin animaliak lantzeko sortu dut, "Elefante" bat da! ea osatzea lortzen duzuen! animo!!

TeKnOgRaFiA

Comporta proiektua:

Comporta proiektua ezinduen komunikazioa hobetzeko iniziatiba dugu. Goiko gorputz-adarretan mugikortasun-arazoak, muskulu-distrofia edota zenbait asaldura neuromuskular --esate baterako garun-perlesia-- dituzten gaixoek, askotan, eskumuturrak eta besoak mugitzeko gaitasuna galdua edo urritua izaten dute; eta, ondorioz, arazoak izaten dituzte gailu batzuk erabiltzeko, adibidez, ordenagailuaren teklatua eta sagua, edo telebistaren agintea. Horrelako pertsonentzat ari dira lanean COMPORTA proiektuan, goiko gorputz-adarretan urritasun larriak dituztenentzat. Horientzat hainbat erabilera izango dituen komunikatzeko gailu mugikor bat moldatzea da helburua.

Horretarako, PDAk (Personal Digital Assistant), agenda elektroniko gisa ere ezagutzen direnak, hartu ditu abiapuntutzat COMPORTAk. Autonomia pertsonal handiagoa eduki eta bizitza-kalitatea hobetzen lagun diezaiekete, aukera emango bailiekete edonon komunikatzeko, entzun nahi duten musika aukeratzeko, Interneten nabigatzeko edo telebista kontrolatzeko, adibidez.

Baina beso eta eskuetako minusbaliotasunen bat duten pertsonek arazoak izan ditzakete PDA arrunten ohiko ukimen-pantailak eta -botoiak maneiatzeko. Eta, horretarako, Xmadina enpresak garatu eta merkaturaturiko Etsedi, PCrako aplikazioa, moldatzea da proiektu honen asmoa. Etsedi aplikazioa da, hain zuzen ere, COMPORTA proiektuaren oinarria, PDAk ezinduentzat irisgarri bihurtuko dituena.

Etsedik teklatu birtual bat sortzen du ordenagailuaren pantailan. Hala, gurpil-aulki elektrikoen kontrol-palankarenak bezalako mugimenduekin aukeratzeko moduko banaketa diseinatu da 8 teklentzat. Etsedi aplikazioak testuak editatzen ditu Windows ingurunean. Menu batzuen bidez, erabiltzaileak zenbakiak, testua edo karaktere bereziak idatz ditzake. Horrez gain, idatzi ahala hitzak iragartzen ditu aplikazioak: erabiltzailea idazten doan heinean.

Beraz, gurpil-aulki elektriko bat gidatzeko gai den edonork maneiatzeko moduko agenda elektroniko bat. Baina, pauso bat harago, teklatu birtualaren bidez idatzitako testuari ahotsa jarri dio COMPORTAk. Izan ere, goiko gorputz-adarretako urritasun larriak dituztenek hitz egiteko zailtasunak ere izaten dituzte sarritan. Horretarako, ahots-sintetizadoreak erabili dira, text to speech teknologiaren bidez erabiltzaileak idatzitakoa bozgorailuetatik irten dadin.

PDA benetan eramangarria izan dadin, gurpil-aulkietan ezartzeko oinarri bat ere diseinatuko da. Beso artikulatu bat izango da, gurpil-aulki modelo gehienetan jartzeko modukoa, eta agenda elektronikoaz gain beste hainbat gailurentzat oinarri gisa balio lezakeena, bide batez.

COMPORTA ezinduak gizartean gehiago integratzeko pauso bat izan daiteke. Besteen parekoago izateko, bizitza errazteko, eta ongizatea hobetzeko.

Gair honen inguruan Ibon Aizpuruari eginiko elkarrizketa hurrengo URLan aurkitu ahal izango duzue:
http://zientzia.net/zientzia-irratia/comporta-proiektua/

Teknografiarekin lanean...

Aspaldi neraman blogean sartu gabe eta aste honetan nire irakasle identitatearen teknografia egiteari ekin diodanean gogoratu naiz baztertuta neukala irakasgaiaren atal hau. Hilabete gogorra izan da baina irakasgai honek erakutsi didan lemari helduz "EZINA EKINEZ EGINA" aurrera goaz apurka apurka.

Teknografia dela eta, beldurturik nengoen tresna berri honi heltzeko, zalantzak nituen nondik hasi, nola bideratu, argazkien aukeraketan ere zalantza izugarriak izan ditut, musikaren aukeraketa, etab. Denbora aurrera zihoan eta nire teknografia hutsik nabaritzen nuen, bost segundu betetzeko minutuak behar nituen eta ezintasunak harrapatzen ninduen denbora baliotsua delako eta denbora gutxi duzunean are gehiago. Ez dakit zenbat saiakeren ostean, 3 minututako teknografia egin dut dagoeneko, pixka bat gehiago geratzen zait baina irakasgai honek nire frustrazioen aurrean kokatu dit, ihes egin gabe aurrez-aurre begiratzen irakatsi dit abangoardian etsaiari begiratzen zaion bezala baina garaipena daztatuz. Garaipena uste dut iristear dagoela, nire 3 minututako teknografiak gorputza dauka eta ikus ditzazket nire saiakeren fruituak.

Tresna interesgarria iruditu zait, musikak eta testuak emozionaltasuna ematen diote gainera, argazki anitzekin jolas daiteke eta bizigarritasuna ematen dio istorioari. Esan daiteke istorioa gehiago pertsonalizatzen dela, beste begirada bat ematen zaio eta gure irakasle esperientzia edo identitatearen gainean baloreei buruz, sinismenei buruz hausnartzeko bide dela iruditzen zait.

Liburuaren Lana

Saiakera batzuen ostean uste dut lortu dudala atxikitzea nire sintesia!!!

https://docs.google.com/document/d/1j58UXI8H5iNmaAdJV9vAMtu1v9tXQgSjfmF3fgVK7GQ/edit